Ki Jingduwai Kiba man ka Sngi

Ki Jingduwai ba man ka sngi




KA DAK KA DIENGPHNA BAD HA KA TRINITI BAKHUID List

KA DAK KA DIENGPHNA

Ha ka kyrteng u Kpa, bad u Khun bad u Mynsiem Bakhuid. Amen.

HA KA TRINITI BAKHUID

          Ka burom ha u Kpa, bad ha u Khun, bad ha u Mynsiem Bakhuid. 

         Kumba ka la long ha kaba mynnyngkong, kumjuh mynta bad barabor, junom la junom. Amen.

U ANGEL U TRAI List

Ka jingduwai "Angel" ka long ka jingkynmaw ieid ïa ka jingmaïa jong ka Jinglongdoh jong u Khun u Blei. To duwai ia ka, mynstep, mynsngi, bad janmiet.

 - U Angel u Trai u la wanlam ka khubor ha ka Maria,
Bad ka la pun na u Mynsiem Bakhuid
Khublei, ko Maria...

 - Hakhmih nga long ka shakri u Trai,
To kan long ha nga katkum ka ktien jong Me.
Khublei, ko Maria…

 - Bad ka Ktien ka la wan longdoh,
Bad Ka la shong sah bad ngi.
Khublei, ko Maria...

 N.  To duwai na ka bynta jong ngi, ko Nongkha Blei Bakhuid.
 P.  Ba ngin long ki babit ia ki jingkular u Khrist!


TO NGIN ЇADUWAI:

Ko Trai, ngi kyrpad ïa Me, to theh ia ka jingaiei jong Me hapoh ki dohnud jong ngi, ba ma ngi kiba la tip ia ka jinglongdoh u Khrist u Khun jong Me na ka Khubor jong U Angel, da ka jingshah shitom bad ka diengphna jong U, ngin poi sha ka burom ka jingmihpat. Da ujuh u Khrist u Trai jong ngi.

 P-  Amen.

TO SHAD KMEN, KO SYIEM List

Ha ka por Paskha, ha ka jaka "U Angel u Trai," duwai:

-          To shad kmen, ko Syiem ka bneng, ban iohi: Alleluïa,
       Їa u Khunlung Bakhuid ba la kha na Pha: Alleluia
-          U la mihpat ha ka burom na u mawjyntep: Alleluia.
             To duwai ha u Blei na ka bynta jong ngi: Alleluia.
N. To shadkmen bad to sngewbha, ko Maria Theisotti: Alleluia,
P. Naba u Trai U la mihpat da shisha: Alleluia.

To NGIN TADUWAI:
A Blei, Uba da ka jingmihpat u Khun jong Me, U Trai jong ngi, u Jisu Khrist, Me la sngewbha ban pyndap ïa ka pyrthei da ka jingkmen: to ai, ngi kyrpad ïa Me, ba ngin ioh pdiang ia kata ka jingkmen jong ka jingim bymjukut da ka jingiasaid jong ka Maria Theisotti, ka Kmie jong U. Da ujuh u Khrist u Trai jong ngi.
P. Amen
Ka burom ha u Kpa...

Ki Jingduwai Mynstep(I) List

Shuwa ban sdang ïa ki jingtrei jingktah kiba man ka sngi, to pynmlien ban duwai ia ki “Jingduwai Mynstep”.

NGA MANE IA ME

Nga mane ïa Me, ko Blei jong nga, bad nga ieid ïa Me da ka dohnud jong nga baroh. Nga sngewnguh ïa Me namarba Me la thaw ia nga, namarba Me la pynlong ïa nga u Khristan bad namarba Me la sumar ia nga mynhynne mynmiet. Nga aiti ha Me ïa ki kam jong nga mynta ka sngi: to ïarap ia nga ban leh ia kamon jong Me, ban nang kham burom ïa me. To sumar ia nga na ka pop, na ka jingsniew baroh. Ka jingaiei jong Me kan long barabor bad nga, kiba ha ïing ha sem, bad ki lok ki jor jong nga. Amen.


Ko Kpa jong ngi, uba ha bneng, kan long ka bakhuid ka kyrteng jong Me, kan wan ka hima jong Me, kan long ka mon jong Me ha ka khyndew kumba ha bneng.
To ai ïa ngi mynta ka jingbam jong ngi kaba ha la ka sngi: bad to map ia ngi ia ki ryngkang jong ngi, kumba ngi ruh ngi map leh sniew ïa ngi. wat ialam ïa ngi sha ka jingpynshoi, hynrei to pyllait ïa ngi na ka basniew. Amen.


 Ko Blei jong nga, nga ngeit skhem ïa kita kiei kiei baroh ia kiba ma Me, da ka Balang Katholik Bakhuid jong Me, Me hikai ia ngi ban ngeit, namarba ma Me, Uba ka jingshisha hi ka bymjukut bad kabym lah ban bakla, Me la pynpaw ïa kita.



Ko Blei jong nga, na ka bynta ki jingdawa u Jisu Khrist nga kyrmen ban ioh na Me ia ka jingmap ïa la ki pop, ia ka Jingaiei jong Me bad ka jingim bymjukut, namarba ma Me, ko Blei u badonbor baroh, u ba isynei bad u bashisha Me la kular ïa kita.




 Ko Blei jong nga, nga ieid na Me naduh ka dohnud bad nalor kiei kiei baroh: namarba ma Me Me long u Kpa jong nga, u babha tam bad u ba-ieid tam. Na ka bynta jong Me ngan ieid ruh ia u paramarjan, u lok bad u nongshun, kumba lade hi.



Ko Blei, ko Kynrad jong nga, nga khuslai naduh ka dohnud, ba bunsien nga la pynsngewsih ïa Me, U babha, U ba ieid, bad U bahalor tam, ïa Uba ngan ieid nalor kiei kiei baroh. Ngan isih ia ka pop bad nga la kut jingmut ban pynbeit noh ia la ka jingim bad ban ym pynsngewsih shuh ia Me.



Khublei, ko Syiem, ko Kmie ka jingisynei, ko jingim, ko jingthiang, bad ko jingkyrmen jong ngi, khublei! Sha Pha ngi iapyrta, ngi ki khun jong ka lm, ia kiba la pynryngkangpar Sha Pha ngi ud da kaba leh sngewsih bad da kaba ïam ha kane ka them bajaw ummat. To pynphai, te kumta, ko nongiasaid jong ngi, ia la ki khmat ba-isynei jong Pha sha ngi. Bad nadien kane ka jingpynryngkangpar to pyni ha ngi ïa u Jisu, u soh ba la kyrkhu ka kpoh jong Pha. Ko Maria Theisotti basbun, bajemnud bad bathiang.



Khublei, ko Maria, kaba dap da ka jingaiei, u Trai U don bad Pha, la kyrkhu ia Pha napdeng ki kynthei, bad la kyrkhu ia u soh ka kpoh jong Pha, u Jisu.
 Ko Maria Bakhuid, ko Kmie jong u Blei, to duwai na ka bynta jong ngi ki nongpop, mynta bad ha ka por ka jingiap jong ngi. Amen.



Ko Angel u Blei, ko nongïada jong nga, ïa me ka jingieid jong u Kpa u bahalor tam ka la ai ha nga: to pynshai, to sumar, to ïalam bad to synshar ïa nga. Amen.
-            - Ko Dohnud Bakhuid tam u Jisu,
      To isynei ïa ngi.
-            - Ko Maria, ko Nongiarap ki Khristan, (lane kano kano ka Nam jong ka Maria)
      To duwai na ka bynta jong ngi.
-          Ha ka kyrteng u Kpa, bad u hun, bad u Mynsiem Bakhuid. Amen.

Ki Jingduwai Mynstep (II) List

-           - Ha ka kyrteng u Kpa...
-           - Nga mane ïa Me, ko Blei jong nga…
-           - Ko Kpa jong ngi...
Nga ngeit ha u Blei, u Kpa badonbor baroh, u Nongthaw ka bneng bad ka khyndew. Bad ha u Jisu khrist, u Khun bamarwei jong U, u Trai jong ngi, ïa Uba la pun na u Mynsiem Bakhuid, ia Uba la kha na ka Maria Theisotti: Uba la shah lehbein hapoh u Pontius Pilatus, la sahnarphna ïa U, U la ïap bad la tep ia U: U la hiar sha ki baiap, ha ka sngi ka balai U la mihpat na ki baiap, U la kiew sha bneng, U shong sha kamon u Blei u Kpa badonbor baroh; nangta Un wan pat ban bishar ia ki ba im bad ïa ki baïap. Nga ngeit ha u Mynsiem Bakhuid, ha ka Balang Katholik Bakhuid; ha ka Jingiasyllok ki riewkhuid: ha ka ingmap ia ki pop: ha ka jingmihpat ka doh, bad ha ka jingim bymjukut. Amen.

(Eksodus 202-17; Dewteronomi 5:6-21)

Nga long u Trai u Blei jong phi.
1. Phin ym ïoh ia kiwei pat ki blei lait na Nga.
2. Phin ym kren thala ïa ka kyrteng u Trai u Blei jong phi.
3. Kynmaw ba phin sumar khuid ïa ka Sngi u Trai.
4. Phin burom ia la u kpa bad ïa la ka kmie.
5. Phin ym pyniap.
6. Phin ym klim.
7. Phin ym tuh.
8. Phin ym ïeng sakhi lamler ïa la u paramarjan.
9. Phin ym ikwah ia ka tnga u paramarjan jong phi.
10. Phin ym ikwah ia kiei kiei ki jong u paramarjan.

1. Phin sumar khuid ïa ki sngi kiba la buh, bad phin ïoh bynta ha ka Mass Bakhuid ha ka sngi u Trai bad ha k sngi Khuid baroh kiba la teh. (Canon 1247)
2. Phin rakhe ïa ki sngi shah jingit bad ki sngi kyndiah. (Canons 1250, 1251)
3. Phin phla pop khlem duna shisien shisnem da kaba pdiang da kaba hok ia ka ïukharist hapdeng ka por Paskha. (Canons 989, 920)
4. Phin kyrshan lem ïa ka Balang katkum ka ain bad ka rukom. (Canon 222)
5. Phin ym poikha poiman da kaba leh rong leh tamasa hapdeng ki por ba la khang. (GIRM 330)

1. Ka Baptisma,
2. Ka Jingpynskhem,
3. Ka Sakrament Bakhuid tam ka Duwan,
4. Ka Sakrament Jingpyniasuk,
5. Ka Jingpynsleh ia ki Bapang,
6. Ka Jingkyntang Lyngdoh,
7. Ka Jingkyntiew kurim.
-  Khublei, ko Maria..                                                      - Ko Angel u Blei.
-  Ko Dohnud Bakhuid tam u Jisu,
   To isynei ia ngi.
-          Ko Maria, ko Nongiarp ki Khristan,
To duwai na ka bynta jong ngi.
-          Ha ka kyrteng u Kpa...

Ki Jingduwai Mynsngi List

Ko Trai, ngi kyrpad ia Me, to don lypa ha ki kam jong ngi da ka jingbthah jong Me, bad to pyniaid ruh da ka jingiarap jong Me; khnang ba ki jingduwai bad ki kam jong ngi baroh kin sdang da Me barabor, bad yn pyndep ruh ia ki tang ban burom la Me. Da u Khrist u Trai jong ngi. Amen.
Ngi ainguh ïa Me, ko Blei Badonbor na ka bynta baroh ki jingaiei jong Me, ma Me Uba im bad Uba synshar junom la junom. Amen.

Ki Jingduwai Ban Bam List

SHUWA BAN BAM

To ai, ko Trai, ïa ka jingkyrkhu bakhuid jong Me ha ngi, bad ïa ka jynbam kaba ngin sa bam mynta, khnang ba ngin ïaisah ha ka jingshakri bakhuid ïa Me. Amen.

YNDA LA LAH BAM

 Ngi ainguh ïa Me, ko Trai, na ka bynta ka jynbam kaba Me la ai ïa ngi; bad to ïarap ba ngin pyndonkam ïa ka barabor na ka bynta ka jingbha jong ngi. Amen.

Ki Jingduwai Mynmiet List

Shuwa ban thiah noh mynmiet, ki khun Khristan ki babha kim ju klet ban ainguh ia u Blei na ka bynta ki jingaiei bad ki jingsumar sukher baroh kiba ki la ïoh na U baroh shisngi.

Ha ka kyrteng u Kpa, bad u Khun, bad u Mynsiem Bakhuid. Amen.

-          Shuwa ban leit thiah to ngin ia-ainguh ïa u Blei Trai Kynrad na ka bynta ki jingaiei ba U la ai ia ngi mynta ka sngi. To ngin ïapan map na U na ka bynta ki lait ki let jong ngi, bad aiti ha U ia ka babha ba ngi la leh.
 (Sangeh shipor ban khmih-ïit ia la ka mynsiem)

-           - Lada ngi sngewrem na ka bynta kino kino ki pop, to ngin sngewsih naduh ka dohnud bad ngin pan map na u Trai.
-           - Ka Jingduwai ka Jingsngewsih…..LANE….. Nga phla ha u Blei Badonbor baroh....

Nga mane ïa Me, ko Blei jong nga, bad nga ieid ïa Me da ka dohnud jong nga baroh. Nga sngewnguh ïa Me namarba Me la thaw ïa nga, namarba Me la pynlong Khristan ïa nga, bad namarba Me la sumar ia nga ha kane ka sngi. To map ia nga ia ka basniew kaba nga la leh ha kane ka sngi, bad lada nga la leh ei-ei ka babha, to pdiang sngewbha ïa ka. To sumar ïa nga haba nga dang iohthiah, bad to pyllait ïa nga na ka jingsniew. Ka jingaiei jong Me kan long barabor bad nga, kiba ha ïing ha sem ki lok ki jor jong nga. Amen.

-           - Ka burom ha u Kpa...
-           - Khublei ko Syiem...
-           - Ko Kmie ba-ieid, ko Maria Theisotti,
     to ïarap nga ban pynim ia la ka mynsiem (3).
-           - Khublei ko Maria...

Ka Jingduwai Ki Riewngeit

-           - Na ka bynta u Kpa Bakhuid bad u Bishop jong ngi.
     To ïada, ko Trai, bad to ïarap ia ki ban sharai ïa u paid jong Me.

-            - Na ka bynta ki Lyngdoh, ki Riewniam, bad ki Nongtrei Balang jong ka Parish jong ngi.
     To kyrkhu, ko Trai ïa ka jingtrei jong ki

-           - Na ka bynta ki kmie ki kpa, ki lok bad ki nonglehbha jong ngi.
     Trai, to theh kyrhai ia ki jingaiei jong Me halor kito kiba ieid ïa ngi

-           - Na ka bynta kito kiba wad shida ia Me.
     Ko Nongsharai babha, to khot lem ia ki, sha ka sem jong ka jinglongkpa jong Me.

-            - Na ka bynta kito kiba shah lehbein, ki baduk bad ki bapang ha ka shnong jong ngi.
      Ko Nongsharai babha, to iarap bad to kynpham ïa ki: ai ha ki ka jingkoit jingkhiah met bad mynsiem.

-           - Na ka bynta ki samla samhoi jong ngi
    To ialam ia ki, ko Trai, ha ka lynti ka hok, ka jingminot bad ka jingluilui.

-           - Na ka bynta ki bahap: Ko Trai, to ai na ki ka jingjahthait bymjukut.
     Bad ka jingshai bymjukut kan tyngshain ha ki.

-           - Na ka jynkhang dujok,
     To pyllait, ko Trai, ia ki mynsiem jong ki.

-           - Kin jahthait ha ka jingsuk.
     Amen.
-           - Ko Dohnud bakhuid tam u Jisu,
     To isynei ïa ngi

-          To u Blei Un kyrkhu kyrdoh ia ngi, Un da Un sumar ia ngi na ka basniew bad Un ialam la ngi sha ka jingim bymjukut.
-          Amen.

-          Ha ka kyrteng u Kpa...

Comments

  1. Unknown16 March 2019 at 21:46

    Nga kwah ki jingdwai ki riewngeit

    ReplyDelete
  2. Donkupar Lyngdoh Marshillong4 February 2020 at 11:11

    Ka lah don ha ka jingduwai miet

    ReplyDelete
  3. Unknown7 April 2020 at 07:16

    Nga kwah kot kotjingrwai app

    ReplyDelete
    Replies
    1. Jowai11 May 2023 at 05:04

      This comment has been removed by the author.

      Delete
  4. Unknown18 April 2020 at 08:43

    Nga kwAh ia ki ki jing duwai
    riew ngeit

    ReplyDelete
  5. Unknown25 July 2020 at 22:19

    Ng kwah ia ka mass bym don lyngdoh.......

    ReplyDelete
    Replies
    1. Unknown9 August 2020 at 02:49

      Ng kwah ia ki jingduwai mass haba bym don lyngdoh

      Delete
    2. Unknown5 October 2020 at 21:12

      Ka bha eh ba ngin ioh ia naroh ki jingrwai na ka lynti bneng...

      Delete
  6. Fidelis lamare2 April 2021 at 23:03

    Kumno ban download ia ka kot jingrwai

    ReplyDelete
    Replies
    1. Unknown1 May 2021 at 06:52

      This comment has been removed by the author.

      Delete
    2. Unknown22 November 2021 at 12:15

      Ng kwah jing duwai pule sdang bd duwai

      Delete

Post a Comment

Popular posts from this blog

U Rosari Bakhuid

U Rosari Bakhuid   Ka Jingduwai Rosari ka long ka jingleh riewblei bakyrpang ïa u Jisu bad ka Maria Theisotti. Ha ka ngi don ka jingpuson ïa ki “jingmaïa” jong u Trai---Kata ka mut, ki jingjia jong ka jingim, ka jingïap, ka jingmihpat, bad ka jingjia jong ka jingim, ka jingïap, ka jingmihpat, bad ka jingkyntiew burom jong U--- katba ngi duwai, ha ka rukom litany, ïa ki jingduwai Baibyl “Ko Kpa jingngi” (Mt 6:9-13) bad “Khublei, ko Maria, kaba dap da ka jingaiei” (LK 1:28, 42).
Read more

Ki Jingrwai Adbent

Ki Jingrwai Adbent KA PYRTHEI BAROH 1.       Ka pyrthei baroh ka la khmih lynti,     Ki bahok la slem ki la kwah la sliang,         Ba kan duh ka miet, ba kan mih ka sngi.       U Jisu Un wan, ngin dup ïoh u Ksiang. 2.        Ka mynsiem ka dum ha kata ka miet,      Ka dohnud ruh kem da ka jingbymman:   Kiba ngeit kumta ki ïapeit ïakhmied,          Ba Un hiar u Khrist, u Khun Blei Un wan.    3.         Te ha khmih shisha, la jan poi ka ïa,          Ka jingwan u Khrist, ka jingsuk u briew;   Ko riewngeit, to kmen, phin sa ioh jingbha.           U la jan u Khrist, U la wan ban siew.                                       (C.B.) ...
Read more