U Rosari Bakhuid

U Rosari Bakhuid 

Ka Jingduwai Rosari ka long ka jingleh riewblei bakyrpang ïa u Jisu bad ka Maria Theisotti. Ha ka ngi don ka jingpuson ïa ki “jingmaïa” jong u Trai---Kata ka mut, ki jingjia jong ka jingim, ka jingïap, ka jingmihpat, bad ka jingjia jong ka jingim, ka jingïap, ka jingmihpat, bad ka jingkyntiew burom jong U--- katba ngi duwai, ha ka rukom litany, ïa ki jingduwai Baibyl “Ko Kpa jingngi” (Mt 6:9-13) bad “Khublei, ko Maria, kaba dap da ka jingaiei” (LK 1:28, 42).

Ka Maria Theisotti ka la don hajan ne lang bad u Jisu ha baroh kito ki jingjia bakongsan jong ka jingim jong U, naduh Bethlehem haduh Kalbari, naduh ka jingkyrduh ha Nazareth haduh ka burom ha bneng. Kumta da u Rosari la ïalam biang ïa ki Khristan sha ka Gospel, katba ka Maria ka Khristan ka banyngkong- ka kylla long ka dur jong ka jingïajan bad ka jingïasoh jong ngi bad u Khrist. 

La pynbynta ia ki "jingmaia" jong u Rosari ha ki saw bynta: Ki Jingmaïa ka Jingkmen, ban puson khamtam ha ka por Adbent bad Khristmas, ki Jingmaïa ka Jingsngewsih ha ka por Lent, ki Jingmaïa ka Burom ha ka Paskha, bad ki Jingmaia ka Jingshai ban puson ïa ki jingleh jingkam u Jisu. Hynrei ia kine ki Jingmaïa lah ban pyndonkam ha kano kano ka por ne rukom, katkum ki jingsngewdonkam jong ki kynhun balang ne jong ki Khristan shimet shimet.

 Ha ki sngi Khraw ka bha lada, ynda la pynbna na ka "jingmaia", kan don kawei ka jingpule na ka Baibyl ban pynngam jylliew ia ka jingmut jong ka: kumta kan kham paw shai kdar ka jaka jong ka ha ka histori jong ka jingpynim.

 Dei u Dominic de Guzman Bakhuid (117o 1221) uba la pynphriang nyngkong ra u Rosari ha ka por jong ka jingsyier ka bakhraw na ka bynta ka Balang-ka jingmih ki nongpaitniam, ki Albijenses, ha ri Phrans.

 La kyntu jur ïa ki Khristan bad khamtam ïa ki ïing ki sem Khristan ban duwai ïa u Rosari, ban ioh bor ioh mynsiem ha ki jingjia bakmen basngewsih, bad badonburom jong ka jingim jong ki.

KA RUKOM DUWAI ROSARI 

N. - Ha ka kyrteng u Kpa

     - Ko Blei to wan ban ïarap ia nga.

P. - Ko Trai, to pynkloi ban ïarap na nga.

Nangta duwai: Ka Jingphla ka jingngeit ki Apostol, 
Ko Kpa jong ngi(1 sien), 
Khublei, ko Maria (3 sien na ka bynta ki jingaiei jong ka Jingngeit, ka Jingkyrmen, bad ka Jingieid), 
Ka Burom ha u Kpa (1 Sien).

Jied kawei na ki saw bynta, lane ki Jingmaïa ka Jingkmen, ne ka Jingsngewsih, ne ka Burom ne ka Jingshai. U nongïalam u pynbna ïa kawei pa kwei ka jingmaïa kumne:

N. – Ha ka jingmaïa ka ba… to ngin ïapyrkhat shaphang ka…

Hadien kawei pa kawei ka jingmaïa sa duwai:

- Ko Kpa jong ngi… (shisien)

- Khublei, Ko Maria… (shiphew sien)

- Ka burom ha u Kpa…(shisien).

Hadien Kawei pa kawei ka jingmaïa pynbud da kane ka Jingduwai Fatima:

--- Ko Jisu, to map ïa ki pop jong ngi, to pyllait ïa ngi na ka ding dujok, to ïalam ïa ki mynsiem baroh sha bneng, khamtam ïa kito kiba donkam eh ïa ka jingisynei jong Me.

KI JINGMAЇA KA JINGKMEN (Sngi Nyngkong bad Sngi Saitjaiñ) 

1. Ka jingpynbna u angel ha ka Maria Theisotti.

2. Ka jingleit jngoh ka Maria Theisotti ia ka Elizabeth Bakhuid.

3. Ka jingkha ma u Jisu ha Bethlehem.

4. Ka jingleit aitiria u Khunlung Jisu ha ka tempy Jerusalem.

5.Ka jingshem ia u Jisu ha ka tempyl. 

KI JINGMAЇA KA JINGSNGEWSIH (Sngi Ba-ar bad Sngi Thohdieng)

1. Ka jingduwai bad ka jingpisa u Jisu ha ka Kper Gethsemani.

2. Ka jingsympat Ta u Jisu ha u paia.

3. Ka jingpynphong pansngiat shiah ia u Jisu.

4. u Jisu u bah Ta ka diengphna sha Kalbari.

5. Ka jingsahnarphna bad ka jingiap u Jisu halor u Lum Kalbari.

KI JINGMAЇA KA BUROM (Sngi Balang bad Sngi u Trai) 

1. Ka Jingmihpat u Trai Jisu Khrist.

2. Kia Jingkiew u Jisu sha bneng.

3. Ka jinghiar u Mynsiem bakhuid halor ka Maria Theisotti bad ki apostol.

4. Ka jingshim noh ia ka Maria Theisotti sha bneng.

5. Ka jingpynphong pansngiat ia ka Maria Theisotti ha bneng bad ka burom ki Riewkhuid baroh.

 KI JINGMAЇA JONG KA JINGsHAI (Sngi Palei) 

1. Ka Jingpynbaptis la u Jisu ha ka wah Jordan.

2. Ka jingdon ryngkat jong u Jisu ha ka jingkhawai kyntiew kurim, ha ka shnong Kana-Galilea.

3. Ka jingialap jong u Jisu Ta ka Hima u Blei bad ka jingkhot jong U ban kylla ka bamut.

4. Ka jingkylla dur jong u Jisu.

5. Ka jingbuh jong u Jisu na ka mukharist Bakhuid.

KA LITANI JONG KA MARIA THEISOTTI 

Ko Trai, to isynei,

Ko Trai, to isynei.

Ko Khrist to isynei,

Ko Khrist to isynei.

Ko Trai, to isynei,

Ko Trai, to isynei.

Ko Khrist to sngap ra ngi,

Ko Khrist to sngap na ngi.

Ko Khrist, to sngap isynei ia ngi,

Ko Khrist, to sngap isynei la ngi.

Ko Blei, u Kpa na bneng, to isynei la ngi.

Ko Blei, u Khun, Non ka pyrthei, to isynei ia ngi.

Ko Blei, u Mynsiem Bakhuid, to isynei ra ngi.

Ko Triniti Bakhuid uwei u Blei, to isynei la ngi.

Ko Maria Bakhuid, to duwai na ka bynta jong ngi.

Ko Nongkha Blei bakhuid,

Ko Theisotti Bakhuid ki theisotti,

Ko Kmie u Khrist,

Ko Kmie ka Balang,

Ko Kmie ka jingaiei u Blei,

Ko Kmie basngur tam,

Ko Kmie basotti tam,

Ko Kmie bym lah pynjot,

Ko Kmie bym lah pynsniew,

Ko Kmie basngewieid,

Ko Kmie basngewphylla,

Ko Kmie ka jingaibuit babha,

Ko Kmie u Nongthaw,

Ko Kmie u Nongpynim,

Ko Theisotti bastad tam, 

Ko Theisotti badonburom,

Ko Theisotti badonnam,

Ko Theisotti badonbor,

Ko Theisotti basbun,

Ko Theisotti baiaineh,

Ko Titkhmih ka hok,

Ko Khet ka jingstad

Ko Daw ka jingkmen jong ngi,

Ko Jyndiang mynsiem,

Ko Jyndiang basngewburom,

Ko Jyndiang babha eh ka jingriewblei

Ko 'Tiewkulab mynsiem,

Ko Mot u Dabid,

Ko Mot bniat hati,

Ko Їing ksiar,

Ko Synduk ka jutang,

Ko Jynkhang bneng,

Ko "Lursha Ko Jingkoit ki bapang,

Ko Jakarieh ki nongpop,

Ko Jingtngen ki basngewsih,

Ko Nongiarap ki Khristan,

Ko Syiem ki Angel,

Ko Syiem ki Patriark,

Ko Syiem ki Nongiathuhlypa,

Ko Syiem ki Apostol,

Ko Syiem ki Martir,

Ko Syiem ki Nongphla,

Ko syiem ki Theisotti

Ko Syiem ki Riewkhuid baroh,

Ko Syiem ba la pun khlem pop tynrai,

Ko Syiem ba la shim noh sha bneng,

Ko Syiem u Rosari Bakhuid,

Ko Syiem ka jingsuk,

Ko Khun langbrot u Blei Uba kit noh ia ki pop ka pyrthei

     To map ia ngi, ko Trai.

Ko Khun langbrot u Blei Uba kit noh ia ki pop ka pyrthei

     To sngap isynei ia ngi, ko Trai.

Ko Khun langbrot u Blei Uba kit-noh ia ki pop ka pyrthei, 

To isynei ïa ngi Ngi ïaphet rieh hapoh ka jingïada jong Pha, ko Nongkha Blei Bakhuid; wat kyntait ïa ki jingkyrpad jong ngi ha ki jingshitom; hynrei to pyllait ia ngi barabor na ki jingsyier baroh, ko Theisotti badonburom bad ba la kyrkhu! 

To duwai na ka bynta jong ngi, ko Nongkha Blei Bakhuid.

Ba ngin long ki babit ia ki jingkular u Khrist! 

To NGIN ЇADUWAI: 

A Blei Kynrad, ngi kyrpad, to ai ha ngi, ki shakri jong Me ia ka jingkoit jingkhiah baiaineh jong ka mynsiem bad ka met; bad da ka jingiasaid badonburom jong ka Maria Bakhuid, kaba ïaisah ka Theisotti, ban lait na ka jingsngewsih bamynta bad ban ioh dap da ka jingkmen bymjukut. Da u Khrist u Trai jong ngi. Amen.

TO KYNMAW (Da u Bernard Bakhuid) 

To kynmaw, ko Maria Theisotti basbun tam, ba ym pat ju ïohsngew mynno mynno ruh ba Pha la iehnoh ia uno uno uba bret tylli ia la ka jingshaniah ha Pha, uba khot Ta ka jingiarap jong Pha, bad uba kyrpad ia ka jingduwai lem jong Pha. Ngi da kajuh ka jingshaniah ngi phet sha Pha, ko Theisotti ki theisotti baroh bad ko Kmie, ngi wan sha Pha, ngi ïeng, bad ngi ud hakhmat jong Pha, ngi ki nongpop Ko Kmie jong ka ktien bymjukut, wat kyntait ïa ki ktien jong ngi, hynrei to shah shkor ia ngi da ka basbun bad to sngap isynei ïa ngi.

U BNAI JONG KA MARIA THEISOTTI

U bnai Jymmang, u long u bnai ba la pynkyntang ha ka Maria Theisotti.

Ha kylleng ka pyrthei ki Khristan Katholik bariewblei, nalor kaba pynlong ki jingleh riewblei bakyrpang ha la ki mane, ki thaw ruh ha la ng i duwan rit jong ka Maria Theisotti, ha iba kim ju pep baroh shi-ïing ban iaduwai Rosari baroh lang ban burom ia ka Kmie bneng. Ka Maria Theisotti da ka jingieid Kmie kam ju pep ban iada bad pyntngen ia kum kito ki ïing kiba ieid bad burom ia Ka.

KA JINGAITI HA KA MARIA KA NONGIARAP KI KHRISTAN 

Ko Maria Bakhuid tam, ko Nongiarap ki Khristan, ngi aiti lut ia lade ha Pha. Ngi aiti ma la ki jingmut bad ki jingpyrkhat baroh, ïa ka dohnud bad ki jingkwah jong ka baroh, ïa la ka met lang bad ki kam jong ka baroh; ngi aiti ha Pha, met bad mynsiem, ba ngin dup lah ban shakri hok ia u Jisu kumba ha la leh. To kdup ia ngi baroh hapoh ki thapniang jong ka jingsumar sukher jong Pha, ba yn ym don na ngi mano mano ruh uban iehnoh ia ka jingieid jong Pha. To ai ba ha ki jingpynshoi ngin kloi ban phet sha Pha, da ka jingshaniah. To ai, ba da kaba puson ia ka kyrteng bad ka nam bakhuid jong Pha, ngin khlain met bad mynsiem ban ialeh pyrshah ia ki nongshun mynsiem jong ngi, khnang ba ngin dup long ki babit ban long ka pansngiat bakordor jong Pha ha bneng. 

To NGIN ЇADUWAI: Ko Blei, u bakhraw bor bad u ba-isynei, Uba la ai ia ka Maria Theisotti ban long ka Nongiada jong ki Khristan; to ai, ba ngi, kiba la ioh jingkyrshan da kane ka jingiada, ngin tur shaphrang ha ka jingialeh jong ka jingim, bad ngin jop thiaw la u bymman ha tmier ka jingiap. Da u Khrist u Trai jong ngi.

R. Amen.